ටයර් එකට LED බල්බයක් දාමු..

වර්තමානයේ පාපැදියක් මෝටර් සයිකලයක් භාවිතා නොකරන කෙනෙක් නැති තරම්.හුග දෙනෙක් කැමතියි තමන්ගේ බයිසිකලයට වැඩ ටිකක් දා ගන්න.තමන්ගේ යතුරුපැදියට නැතිනම් පාපැදියට අලුත් විදිහක LED වැඩක් දාන හැටි මම කියලා දෙන්නම්.ඇත්තටම මෙය කුඩා ගැජට් එකක් කිවොත් නිවැරදියි.මෙය සවිකරන්නේ ටයර් එකේ හුළං ගහන වෑල් කරට.මෙම ගැජට් එකේ වර්ණවත්

LED බල්බයක් තියෙනවා..එම බල්බය දැල්වීමට අවශ්‍ය කුඩා බොත්තම් හැඩති බැටරි තුනකුත් තියෙනවා..මේ ගැජට් එකේ ඇතුලත තියෙනවා චලනයට සංවේදී ස්විච් එකක්.රෝදය ගමන් කරන විට මෙය චලනය වී ගැජට් එකේ පරිපථය සම්පුර්ණ වෙනවා.එවිට LED එක දැල්වෙනවා..රෝධය කැරකෙන නිසා අපේ ඇසට පෙනෙන්නේ ආලෝක රවුමක් රෝදය සමග කැරකෙනවා වගේ.චලනය නතර වුනාම බල්බය නිවෙනවා..රාත්‍රී කාලයට හරිම අපුරුයි.මේකට LED මැජික් ටයර් ලයිට් කියලත් කියනවා..තවත් දෙයක් මෙය කාර් වල රෝද වලටත් සවිකරන්න පුළුවන්.කැමති අයට මේවා අපෙන් මිලට ගන්න පුළුවන්.

ඔබට ජය.

 

Powered byEMF Form Builder

පට්ට ආලෝකයක් ගන්න 36w LED බල්බ් එකක් හදමු..

   ඔයාල දැන් එක එක විදිහ LED බල්බ අත්හදා බලා ඇති.හුඟ දෙනෙක් මට කියල එවලා තිබුනා ගොඩක් ආලෝකය ගන්න අඩුවට හදා ගන්න පුළුවන් LED බල්බ් එකක් හද හැටි කියා දෙන්න කියලා.හරි මම අද ඔබව එම ගැටලුවෙනුත් නිදහස් කරනවා..මේක රු 1500 කට විතර හදා ගන්න පුළුවන් ප්ලාස්ටික වර්ගයේ බල්බ එකක්.SMD චිප් LED සහිත මෙය තරමක බරකින් යුක්තයි.මෙහි ප්ලාස්ටික්

ආවරණ හා හීට් සින්ක් කොටස හා බල්බ අඩංගු බේස් ප්ලේට් එක ඔබට පිටකොටුවේ පළමු හරස් වීදියේ 88 බිල්ඩින් එකේ හතරවන තට්ටුවේ ෂොප් වලින් ගන්න පුළුවන්.මෙහි බේස් ප්ලේට් එකට බලය සැපයීමට ඩ්‍රයිවර් එකක් භාවිතා වෙනවා.එහි අග්‍ර නිවැරදිව බේස් ප්ලේට් එකට පාස්සා ගන්න.හීට් සින්ක් එක බේස් ප්ලේට් එකට ඇණ වලින් සවිකර ගන්න.මෙම බල්බය සදහා පොට සහිත ඇඩප්ටර් කොටසක් වඩා හොඳයි මොකද මෙහි බර වැඩි නිසා ස්ථාවර ලෙස සවි කිරීමට අවශ්‍ය නිසා..මෙම බල්බ් මෙන්ම අප ඉගෙන ගත් සියලුම බල්බ අකුණු සර අවස්ථාවලදී නිවා දමන්න අමතක කරන්න එපා..ඔයාල ප්ලාස්ටික් බල්බ් වලට වොරන්ටි දෙන කොට මාස හයකට වඩා නොදීම වඩා හොඳයි.මේ තියෙන්නේ රූප පෙළ.

එකක් මිලට ගෙන සකස් කර බලන්න ලොකු සාලෙකට උනත් හොඳටම ඇති කියල ඔබට පෙනේවි.එහෙත් ඔබට වැය වන්නේ වොට් 36 ක් පමණි.
ඔබට ජය!