දැන්වීම් කලාවේ නවතම ක්‍රමය..

  මම ඔයාලට LED බල්බ හා LED නාමපුවරු නිෂ්පාදනය පිළිබඳව පාඩම් මාලාවන් පටන් අරගෙන දැන් සෑහෙන කලක් ගෙවී ගිහින්.ගොඩක් අය මගේ ලිපි කියවලා බල්බ හදන්න පටන් අරං.එය මට ගොඩක් සතුට
දනවන්නක්..
ඉතින් මමත් දැනට වසර දෙකක පමණ කාලයක සිට LED නාම පුවරු සාදනවා..මා මිට පෙර සඳහන් කල පරිදි ඔයාලට හොඳ නගරයක හෝ මංසන්දියක ටිකක් ලොකු ඩිජිටල් තිරයක් දා ගත්තොත් වැඩේ ගොඩම තමයි.මොකද ඔය වගේ තැනක දැන්වීම් දාගන්න ගොඩක් ව්‍යාපාරික අය කැමතියි.මොකද හැමෝටම පේන නිසා.විශේෂයෙන් ටියුෂන් කරන ගුරුවරුන්ගෙන් ඔයාලට පහසුවෙන්ම දැන්වීම් ගන්න පුළුවන්.එක දැන්වීමකට මාසයකට 2500 ක් විතර අයකරල දැන්වීම් 20ක් දාගත්තනම් හොඳටම ඇති.එයින් ඔබට මාසිකව රු 50000ක් විතර හොයන්න පුළුවන්.ලයිට් බිලට රු.2000ක් ගියත් ලාබයි.
මුලින් ටිකක් වියදම් කරන්න නම් වෙනවා..සාමාන්‍යන් අඩි 3X5 ප්‍රමාණයේ පුවරුවක් දැන්වීම් දැමීමට ප්‍රමානවත්..එකේ වර්ණ භාවිතය පිළිබඳව සැලකිය යුතු වෙනවා..ද්විත්ව වර්ණ තිබුනත් ඇති.ඒ කියන්නේ කොළ හා රතු.එම වර්ණ දෙක එකවර දැල්වෙන විට කහ පාට නිකම්ම ලැබෙන නිසා වර්ණ තුනක පුවරුවක් බවට එය පත් වෙනවා..කුඩා ප්‍රමාණයේ දැන්වීම් 200 ක් පමණ මෙවැනි පුවරුවක දාන්න පුළුවන්.ඔරලෝසුවක් ක්‍රියාත්මක වෙන්නත් දැන්වීම් පුවරුව අවශ්‍ය වෙලාවට ක්‍රියාත්මක වී අවශ්‍ය වෙලාවට අක්‍රිය වීම ස්වයංක්‍රියව සිදුකිරිමට ද පුළුවන්..මෙම සියලු පාඩම් මම ඔබට කියලා දෙන්නම්..ඉතින් ඔයාල කියනවා ඇති මෙයා පාඩම් මාලා දැම්මට මම පුවරුවක්වත් දාලා නැහැ කියලා..මමත් LED තිරයක් සවිකරලා තියෙනවා..කොලඹ මුල්ලේරියාව ප්‍රදේශයේ,මුල්ලේරියාව නවනගරයේ රෝහල හන්දියේ.එය පෙරවරු 7.00 සිට රාත්‍රී 8.00 දක්වා ක්‍රියාත්මකයි.මුල්ලේරියාව ප්‍රදේශයේ ව්‍යාපාරික බවතුන්ටත් ප්‍රදේශයේ ටියුෂන් ගුරුවරුන්ටත් මම අරාධනා කරනවා මෙහි දැන්වීම් දැමීමට.මොකද මෙම පුවරුව සවිකර ඇති තැන දිනකට දහස් ගණනක් එහා මෙහා යන එන තැනක්..ඔයාලත් මෙවැනි තිරයක් හදලා තමන්ගේ නගරයේ හෝ වෙනත් තැනක සවිකර නිවසේ සිටම අමතර අදායමක් ලබා ගැනීමට කැමති
නම් මට ඔබට ඉතා අඩු වියදමකින් මෙවැනි තිරයක් සදා දිය හැකියි.ඔබට අතහිත දීමට මම හැමවිටම සුදානම්..
ඔබට ජය.!

   

LED නාම පුවරු නිෂ්පාදන පාඩම් මාලාව 2

   කලින් පාඩමේදී මම ඔබට හදුන්වා දුන්නා මතක ඇති LED නාම පුවරු ගැන කල හැඳින්වීම ඉතින් අද මම ඔයාලට කියා දෙන්න හදන්නේ මෙම පාඩම් මාලාවේ පටුන හා තවත් විස්තර කීපයක්.
පාඩම් මාලාවේ පටුන
1.LED නාම පුවරු නිෂ්පාදනයට
අවශ්‍ය මුලික උපකරණ
2.LED මොඩියුලය
3.බල සැපයුම් ඒකකය.
4.පාලන ඒකකය.
5.මෘදුකාංගය හදුන්වා දීම.
6.මෘදුකාංගය ස්ථාපිත කිරීම හා ක්‍රියාත්මක කිරීම.
7.LED නාම පුවරු සඳහා රාමුවක් සැකසීම.
8.කුඩා නාම පුවරුවක් සැකසීම.
9.නාම පුවරුව සඳහා මෘදුකාංගය මගින් වැඩසටහන සැකසීම.
10.නාම පුවරුව අකුරු රටා හා වාක්‍ය එකතු කිරීම.
11.බස්රථ සඳහා නාම පුවරු සැකසීම
12.නාම පුවරුවට පින්තූර එකතු කිරීම.
13.ද්විත්ව වර්ණ පුවරුවක් සැකසීම.
14.දැන්වීම් දැමීමට විශාල පුවරුවක් සැකසීම.
15.USB මගින් දත්ත ඇතුළු කිරීම.
16.ඇනිමේෂන් හා බෝඩර් එකතු කිරීම.
17.සම්පුර්ණ වර්ණ සහිත පුවරුවක් සැකසීම.
18.සම්පුර්ණ වර්ණ සහිත පුවරුවක උපකරණ හඳුන්වා දීම.
19.සම්පුර්ණ වර්ණ සහිත පුවරුවකට අවශ්‍ය මෘදුකාංගය හදුන්වාදීම.
20.වීඩියෝ දර්ශන ඇතුලත් කිරීම.
21.දැන්වීම් දැමීමට තිර සැකසීමේ අඩුවියදම් ක්‍රම.

LED නාම පුවරු නිෂ්පාදනයට අවශ්‍ය මුලික උපකරණ
පහත උපකරණ ඔබ සතු වීම වැදගත්ය.
ලැප්ටොප් පරිගණකයක් හෝ ඩෙක්ස්ටොප් පරිගණකයක්
1.යකඩ කපන කියතක්.
2.රිවට් මැෂින් එකක්.
3.මල් ස්කුරුප්පු නියන් හා විදුලි පාහනයක්
4.මල්ටිමිටරයක්.
5.ඉලෙක්ට්‍රික් ඩ්‍රිල් එකක්.
මෙම උපකරණ නැතිනම් කලබලනොවන්න.යාළුවෙකුගෙන් ඉල්ලා ගන්න.ඔබට බස්රථ නාම පුවරු 3ක් සාදා විකිණීමෙන් පසු මෙම සියල්ල මිලදී ගත හැක.
LED නාම පුවරු..
LED නාමපුවරු සඳහා යොදා ගන්නේ ඒකක වශයෙන් ඇති කොටස් කීපයකි.මින් එක කොටසකට මොඩියුලයක් යැයි කියනු ලැබේ.මේවා සාමාන්‍යයෙන් අඩි භාගයක් උසින් හා අඩි එකකක් දිගින් යුක්තය.එක් එක් මොඩියුල වලට ආවේනික ලක්ෂණ කීපයක් ඇත.
1.සමහර මොඩියුල වල ඇත්තේ එක වර්ණයක් ඇති LED ය.
2.තවත් ඒකක වර්ණ දෙකක් ඇති LED අඩංගු කර ඇත.
3.තවත් ඒකක වර්ණ තුනක LED අඩංගු කර ඇත.

පරීක්ෂණ මට්ටමේ සිටින ඔබ හට එක වර්ණයක් අඩංගු මොඩියුල තෝරාගෙන දැන්වීම් පුවරු සාදා ගන්න.එවිට වියදමද අඩුය.තමන්ට ඕනා හැටියට සකස් කරමින් අත්දැකීම් ලබා ගත හැකිය.
සාමාන්‍යයෙන් එක වර්ණයක් ඇති මොඩියුලයක පළල අතට LED බල්බ 16 ක් ද දිගු අතට LED බල්බ 32 ක් ද ඇත.
මොඩියුලය
   LED නාම පුවරුවේ තැනුම් ඒකකයයි.මොඩියුල ගණනාවක් එක් කර විශාල පුවරු තනන්නට පුළුවන.සම්පුර්ණ වර්ණ ඇති මොඩියුල එක්කර තනන නාම පුවරුවකට ලොව ඇති ඕනෑම වර්ණයක් ජනිත කල හැකිය.එනම් එය රුපවාහිනියකට සම කල හැකිය. මොඩියුලය නරබන්න.එහි LED සවි කර ඇති අයුරු නරබන්න.සෑම LED එකක්ම පාලන ය වන්නේ IC එකකින් බව පෙනෙනු ඇත.මේවාට ලෝජික් IC යයි කියනු ලැබේ.මෙම ලොජික් IC දීම නිසා පරිපථයට යෙදිය යුතු අතිමහත් වයර් ප්‍රමාණයක් අඩු වි ඇත.පරිපථයට ලැබෙන දත්ත කියවා බලා නිය මිත LED එක පමණක් අදාල අවස්ථාවේ දැල්වීම මෙම ලොජික් IC වල කාර්ය වේ.මෙම ලොජික් IC එකක් පිලිස්සුන විට එම ප්‍රදේශයට අදාළ LED පමණක අක්‍රිය වේ.එය පහසුවෙන් හදුනා ගෙන අලුත් වැඩියා කල හැකිය.
ඔබ වෙළඳ පොලින් මොඩියුල මිල දී ගන්නා විට එය ඉල්ලා සිටිය යුතු වර්ග ඇත.එය P10,P20,P16 ලෙස ඇත.මීවායින් කිය වෙන්නනේ එම මොඩියුල වල අංක වලින් දක්වා ඇති මීටර් ගණනක දුර සිට බැලුවිට එම මොඩියුල යොදා තැනු නාම පුවරුවේ දැන්වීම පැහැදිලිව පෙනෙන බවය.උදා හරණයක් ලෙස P10ලෙස දක්වා ඇති මොඩියුල යොදා තනන නාම පුවරුවක එහි දිස්වන දැන්වීම් පැහැදිලිව නැරබිමට අඩුම වශයෙන් මීටර් 10 ක් වත් පසුපසට යායුතු බවය.

ඔබගේ නාම පුවරුව දිස්වන දුර අනුව ඔබට අවශ්‍ය මොඩියුල තෝරා ගත හැකිය.මොඩියුලයට විදුලි බලය ලබාදිය යුත්තේ 5V සරල ධාරාවකි.එය යම් හෙයකින් 5V ට වඩා වැඩි වුව හොත් ලොජික් IC වලට හානි පැමිණේ.එනිසා 5V වොල්ටිය තාවක් හැම විටම ලබා දිය යුතුය.
මොඩියුලයට දත්ත සපයන පෝර්ට් (PORT)එකක් ඇත.ඒ අසල HUB08 හෝ HUB12 ලෙස මුද්‍රණය කර ඇත.එයින් කිය වෙන්නේ එම මොඩියුලයේ එම පෝර්ට් එක ඩේටා කේබලය මගින් පාලන ඒකකයේ HUB08 හෝ HUB 12පෝර්ට් සමග නිවැරදිව සම්බන්ද විය යුතු බවය.එනම් සෑමවිටම HUB 08 මොඩියුලයක පෝර්ට් එක ඩේටා කේබලය පාලන එක්කකයේ HUB 08 පෝර්ට් එක සමග නිවැරදිව සම්බන්ද කලයුතු බවය.මොඩියුලයේ ඉහළින්මුද්‍රිත පුවරුවේ P10,P20,P16ලෙස දක්වා ඇත්තේ එම මොඩියුල වර්ගයයි.

මොඩියුල දෙවර්ගයකින් ඔබට ලබා ගත හැකිය.ඒ නිවාස තුල භාවිතා කරන හා එළිමහනේ ආවරණක් රහිතව භාවිතා කරන ඒවා ලෙස ය.නිවාස තුල මෙම මොඩියුල යොදන විට වැසි ජලය නොයන බැවින් අඩු වියදමකින් පුවරුව ගොඩ නැගිය හැක.එහෙත් එලි මහණේ පුවරුවක් සවිකරන විට යන වියදම මදක් වැඩිය. ඔබ මිලදී ගන්නේ out door වර්ගයේ එකක් නම ඒ සඳහා වෝටර් සීල් එකක් ලබා ගන්න.
ඔබට ජය!
LED නාම පුවරු පළමු පාඩම බලන්න මෙතනින් යන්න.

LED නාම පුවරු නිෂ්පාදන පාඩම් මාලාව 01

       LED බල්බ නිෂ්පාදනය පිළිබඳව පළමු වරට අන්තර්ජාලය හරහා නොමිලේ සිංහල භාෂාවෙන් පාඩම් මාලාවක් ඉදිරිපත් කර අති විශාල පිරිසකට සේවය සැලසු හෙටදින අඩවිය දැන් තවත් මහඟු කර්තව්‍යකට අත
ගසා සිටී.එනම්
LED නාම පුවරු නිෂ්පාදනය ඔබට පියවරෙන් පියවර ඉගැන්වීමටයි.ඉලෙක්ට්‍රොණික් විද්‍යාව නොදන්නා අයකුට වුවද මෙම පාඩම් මාලාව හැදෑරීමෙන් පසුව ඉතා හොඳින් නව කර්මාන්තයක් ඇරඹීමට හැකි වනු ඇත.හෙටදින අඩවියේ පරම අරමුණ හෙටදින නව තාක්ෂණික තොරතුරු ඔබ වෙත සමීප කරලීම බව ඔබ දැනටමත් දන්නා කරුණකි.දිගටම අප අඩවිය හා රැඳී සිටින්න.සියලු පාඩම් මාලාවන් ඔබට අද්‍යනය කිරීමට අවස්ථාව ලැබෙනු ඇත.
LED නාම පුවරු වර්තමානයේ ශ්‍රී ලංකාව තුල වේගයෙන් ජනප්‍රිය වෙමින් ඇත.ඒ සඳහා අවශ්‍ය උපකරණ ලංකාවට ලැබීමත් සමග අපට අවශ්‍ය පුවරු වර්ග අපටම නිෂ්පාදනය කර ගැනීමට අවස්තාව ලැබී ඇත.බස් රථ හා කඩ සාප්පු සඳහා වර්තමානයේ විශාල ඉල්ලුමක් ඇත.
ඔබට ඉලෙක්ට්‍රොණික දැනුම පවතීනම් මෙම විෂය අවබෝධ කර ගැනීම ඉතා පහසුය.එහෙත්  ඉලෙක්ට්‍රොණික  දැනුම නැති අයකුට පවා මෙම පාඩම් මාලාව කියවීමෙන් පසු පහසුවෙන් දැන්වීම් පුවරු නිෂ්පාදනයට අවස්ථාව ලැබෙනු ඇත.
මම  ඉලෙක්ට්‍රොණික  විද්‍යාවට බෙහෙවින් ඇලුම් කරමි.එහෙයින් කුඩාකල සිටම මෙම විෂය පිලිබඳ මාගේ ඇල්ම වැඩි වුවා මිස අඩු වුයේ නැත.2002 දී මා  ඉලෙක්ට්‍රොණික  වෘත්තීය පුහුණුව ලැබීමත් සමග මාගේ වෘත්තීය  ඉලෙක්ට්‍රොණික  ශේත්‍රයට මනා ආලෝකයක් ලැබිණි.ඩිජිටල් ඉලෙක්ට්‍රොණික  විද්‍යාවත් ප්‍රතිසම  ඉලෙක්ට්‍රොණික  විද්‍යාවත් අපට එහිදී උගන්වනු ලැබිණ.
එකල මා අද්‍යාපනය හැදෑරුවේ අදවන් පරිගණක වලින් සපිරි නවීන දේශනා ගාරවල නොවේ.විවිධ බාධක ගනාවකින් පසුව මෙම විෂය ජය ගැනීමට මා හට හැකිවිය.එහෙත් මහා සාගරය වන්  ඉලෙක්ට්‍රොණික  විද්‍යාවේ මා දන්නේ වැලි කැටයක් තරම් ප්‍රමාණයකි.දැඩි කැපවීමකින් පසුව මා උගත් දැනුම ඔබට නොමිලේම ලබා දෙන්නට ලැබීම ගැන මා උදක්ම සතුටු වීමි.මෙම පාඩම් මාලාව අද්‍යනය කිරීමෙන් පසු ඔබට නිවසේ සිටම නව කර්මාන්තයක් ආරම්භ කිරීමට අවස්තාව ලැබෙනු ඇත.
   මෙම පාඩම් මාලාව පියවරෙන් පියවර හදාරන්න.ඔබ  ඉලෙක්ට්‍රොණික  දැනුම අඩු අයෙක්නම් ඒ සඳහා දැනුම අපේ වෙබ් අඩවියෙන් නොමිලේ ලබා ගත හැකිය.දිනකට විශාල පිරිසක් යන එන ‘හෙටදින’වෙබ් අඩවියේ තවත් සාඩම්බර නිෂ්පාදනයක් ලෙස මෙය ඔබට තිලින කල හැකිය.
ඔබට ජය!

LED බල්බයක වොට් ගණන සොයමු..

   ඔයාලා LED බල්බ හදන්න පටන් ගත්තට ඒ එක බල්බයක වොට් ගණන හොයන්න දන්නේ නැතිව ඇති..අද මම කියලා දෙන්නම් ඒකත් එහෙනම්..ඔයාලා O/Lකරන කාලේ විද්‍යා
විෂයට,ධාරාව,ඇම්පියර්,වෝල්ටීයතාව වගේ වචන ඉගෙන ගන්න ඇති.බල්බයක වොට් ගාන කියන්නේ එම බල්බයේ ක්ෂමතාවයයි.වොට් අගය වැඩි වන විට ලබා ගන්නා ධරාවද වැඩි වෙනවා..එවිට වැයවන විදුලිය ප්‍රමාණය වැඩියි.මෙම වොට් ගණන හොයන්න අපි පුංචි සුත්‍රයක් භාවිතා කරමු..
W=VI ඕක තමයි සුත්‍රය..
W කියන්නේ වොට් ගණන.Vකියන්නේ එක LED එකක් දැල්වීමට අවශ්‍ය වන වෝල්ටීයතාව I කියන්නේ එම එක LED එකක් එම වොල්ටියතාවයේදී දැල්වීමේදී වැයවන ධාරාව.මෙම ධාරාව අප ලබාදිය යුත්තේ සම්මත අගය වන ඇම්පියර් වලින්.එම වෝල්ටීයතා අගයත් එක LED එකක් දැල්වීමේදී ලබා ගන්න ධරාවත් නිෂ්පාදකයන් සිය පැකට්ටුවේ සඳහන් කරනවා..උදා හරණ ලෙස පහත පින්තූරය බලන්න.

එහි VF:2.9-3.1V ලෙස දක්වා ඇත්තේ වොල්ටියතාවයි.එම 3.1V වලදී බල්බයෙන් එයට හානි නොවී ලබා ගත හැකි උපරිම ආලෝකය ලබා ගත හැකියි.එහි IF:20mA ලෙස දක්වා ඇත්තේ ලබා ගන්නා ධාරාවයි.ඉතින් මම කීවානේ ධාරාව අප ලබා දිය යුත්තේ සම්මත අගයකින් කියලා..ඒ කියන්නේ අප 20 මිලිඇම්පියර් කියන එක ඇම්පියර් බවට හරවන්න ඕනා ඒකට කරන්න තියෙන්නේ එම අගය දාහෙන් බෙදන එකයි.එවිට ලැබෙන අගය 0.02A ලෙස ලැබෙනවා දැන් එම අගයන් සුත්‍රය ආදේශ කරමු..
W=VI
W=3.1X0.02
W=0.062
0.062W තමයි ඉහත සම්මත වොල්ටියතාවයේදී එක LED බල්බයක් දැල්වීමේදී වැයවන්නේ..ඉතින් LED 48 බල්බයක් සඳහා වැයවන ක්ෂමතාවය සෙවීමට එම 0.062 අගය 48න් වැඩි කරන්න එවිට ලැබෙන අගය 2.976 වේ.එය තමයි LED බල්බ 48ක් යොදා ඔබ සෑදු බල්බයේ වොට් ගණන..අනික් බල්බ වලත් LED ගණන යොදා වොට් ගණන සොයන්න.දශම ස්ථාන අතහැර රවුම් අගයක් ආසන්න ඉහල අගයට ලබා දෙන්න..
ඔබට ජය!

LED SMD 12W බල්බයක් හදමු..

 අද මම ඔයාලට කියලා දෙන්න හදන්නේ SMD බල්බ් වල 12W බල්බයක් හදන හැටි.මේකත් SMD 6W එක වගේමයි හදන්නේ.මේකේ SMD LED බල්බ් 12 ක් තියෙනවා..එකක් 1W ක්ෂමතාවයක් ලබා
දෙනවා..මෙම බල්බයෙන් සාමාන්‍යයෙන් සුත්‍රිකා පහනකින් ලැබෙන 100W ආලෝකයක් ලැබෙනවා..ඒකෙන් සාමානය බල්බයකට යන වොට් ගණනින් ඔබට 78W ක් ඉතිරි වෙනවා..මේ බල්බය හදන්න රුපියල් 1100.00 විතර තමයි යන්නේ.ඉතින් මම කලින් කියාදුන් ආකාරට බල්බය එකලස්‌ කරගන්න.මතක ඇතුව HEAT SINK COMPOUND ස්වල්පයක් SMD බල්බය සවිවන තැනට යොදන්න.බල්බය රත්වන විට තාපය හොඳින් අවශෝෂණයට මෙය වැදගත් වෙනවා..පින්තූර පෙළ පහත දක්වා ඇති..ඒවා ලොකුවට බලන්න ඒ මත ක්ලික් කරන්න..ඔයාලට උපකරණ කට්ටලය සමග බල සැපයුම් ඒකකය ලැබිලා ඇති.ඒය ලෝහ කොටස් වල ස්පර්ශ නොවන පරිදි ටේප් වර්ගයකින් ආවරණය කලයුතු වෙනවා..ඇත්තෙන්ම මෙවැනි බල්බයක් විශාල කාමරයකට වූවද හොඳටම ඇති.මතක ඇතිව SMD LED බල්බ සවිකරන විට අග්‍ර නිවැරදිව පාස්සන්න.නැති නම් දැල්වෙන්නේ නැහැ..මොකද ඔක්කොම තියෙන්නේ ශ්‍රේණිගත ක්‍රමයට නිසා.SMD LED එකේ අග්‍ර වල එහි ධන හා ඝෘණ ලකුණු කර ඇති.සමහර ඒවායේ ලකුණු කරලා තියෙන්නේ  ඝෘණ ලකුණ පමණයි.ඔය SMD LED එකක් පිටකොටුවේ නම් රුපියල් 20.ක් විතර වෙනවා..

තවත් වඩා හොඳ SMD LED බල්බයක් තියෙනවා..ඒක රුපියල් 45.ක් වෙනවා..එකේ එලිය ටිකක් වැඩියි..ඔයාලට කියන්න ඕනා ඔය LED බල්බවලට ඇත්තටම අපට LIFE TIME වගකීමක් දෙන්න පුළුවන්..මොකද ඔය බල්බ වල කොටස් සියල්ලම නැවත සවිකළ හැකියි.ස්වාභාවික විපත් හැරුණු විට බල්බයට ඉතා දිගු ආයු කාලක් තියෙනවා..මෙවැනි බල්බයක බොහෝවිට දැවීයන්නේ එක SMD LED බල්බයක්..එවිට අපට එය පහසුවෙන් සොයා අලුත් එකක් යොදන්න පුළුවන්..ඒ ආකාරයට දිගටම බල්බය නැවත නැවත අලුත්වැඩියා කරමින් මෙය ඉතා දිගු කාලයක් භාවිතා කල හැකියි.
ඔබට ජය!

LED නාම පුවරු නිෂ්පාදනයේදී ඇතිවන ගැටළු..

  ඔබ දැනටමත් LED නාම පුවරු නිෂ්පාදනය අරඹා ඇතිනම් ඔබට විවිධ ගැටළු ඇතිවී ඇතුවාට සැක නැත.ඔබට ඇති සියලු ගැටළු කොමෙන්ටුවක් ලෙස දාන්න.ඒවාට මම අනිවාර්යයෙන්ම පිළිතුරු ලබා දෙනවා..මට Call කරන්න නම් එපා යාලුවනේ..හැම වෙලාවේම..වැඩ ..අපේ ජොබ් එකත් එක්ක..දුරකතනයෙන් පිළිතුරු දෙන්න වෙලාව කොහෙත්ම නැති තරම්..ඉතා අපහසුවෙන් ඔයාලා වෙනුවෙන් වෙලාවක් වෙන්කර ගන්නේ.මගෙන් ඉගෙන ගත්තු අය ගොඩක් දෙනෙක් දැන් LED නාම පුවරු සෑදීමට පටන් අරගෙන තියෙනවා..ඒ අයටත් අනෙක් අයටත් ඇතිවන ඕනෑම ගැටලුවක් කොමෙන්ටුවක් ලෙස යොමු කරන්න...
ඔබට ජය!

LED බල්බ සෑදීමේදී ඇතිවන ගැටළු වලට පිළිතුරු..

හරිම සතුටුයි.ඔයාලා මගේ බ්ලොග් එක කියවලා LED බල්බ හදන්න පටන් අරගෙන..ඒ බව මට දිවයින වටෙන්ම ලැබෙන දුරකථන ඇමතුම් වලින් සනාථ වෙනවා..ඒත් ඉලෙක්ට්‍රොනික දැනුම අඩු අයට විවිධ ගැටළු මතු වී
තියෙනවා..ඉතින් මේ ගැටළු කීපයකට තවත් විසදුම් අරන් පොස්ට් එකක් දාන්න සිතුවා.හදිසියෙන්මයි ලිවුවේ.පින්තුරේ දැක්කම ඔයාලට හිතෙයි මු නම් කිසිම කලාවක් නැති එකෙක් කියලා..ඉක්මනින් සටහනක් විදිහට අතින් තමයි ඇන්දේ..
1.LED 108 බල්බ සවිකරන්නේ කොහොමද?
ඔයාලා මෙම බල්බය සඳහා උපකරණ කට්ටලය මිලදී ගන්න..එකේ තනි PCB එකක් ලෙස කුඩා PCB පතුරු 6 ක් ලැබේවි.ඒවා එකින් එක වෙන් කරන්න එපා..එහෙම කලොත් LED පාස්සන්න ගියහම මල පනිනවා..PCB එක හෙලවෙනවා පාස්සන්න බැහැ..PCB 6ම එකට තිබියදී LED සියල්ල පාස්සා පසුව උල් අඞුවකින්  කෙලෙවර අල්ලා පරිස්සමින් වෙන්කර ගන්න.
ඊළඟට මම රුපයේ පෙන්වා ඇති ආකාරයට සමාන්තර ගත හා ශ්‍රේණිගත ක්‍රම දෙකම සහිතව PEB ටික සිහින් වයර් වලින් සම්බන්ද කර ගන්න.ඒකේ ඔය රවුමට තියෙන්නේ බල්බයේ අඩියට එන PCB එක ඒකේ ධන අග්‍ර 2 ක් හා ඝෘණ අග්‍ර 2 ක් ඇති.එම අග්‍ර වෙනවෙනම එකට පාස්සා ගන්න.බල සැපයුම් පරිපථය නිවැරදිව පාස්සන්න.එය බල්බය තුල රුවා ලිය හැකි පරිදි කුඩාවට සැදීමට මතක තබා ගන්න.පරිපතයට A/C වයර් සඳහා තරමක් මහතා වයර් යොදන්න.
LED 100,126 බල්බ මීට සමාන ක්‍රමයක් භාවිතා වෙනවා..සුළු සුළු වෙනස් වීම් ඇති ඒවා හදුනා ගන්න.

රූපය ලොකුවට බලන්න රූපය උඩ ක්ලික් කරන්න.

2.බවුත් එක අප්සෙට් ..
ගොඩක් අයට අවුල තමා බවිත් එක හුරු නැති එක.ඒක ටිකක් කල් යන කොට හරියයි.හැබැයි මතක ඇතිව බවුත් එකට සෙරමික් බිඩ් එකක් දාන්න.ගාන නම් වැඩියි තමයි.ඒත් සාමන්‍ය බිඩ් එකකින් මේතරම් විශාල LED ප්‍රමාණයක් පාස්සනවා බොරු..අනික සාමාන්‍ය බිඩ් එක ඉක්මනට කළු ගැහෙනවා..ඊට පස්සේ පෑස්සෙන්නේ නැහැ.
3.ඊයම් මැටි වගේනේ..පාස්සන්න බැහැනේ..
ඔයාලා බාල ඊයම් වලට රැවටිලා..ඕවා 'ලාබයි බාලයි'හොඳ ඊයම් එකක ලේබලයේ 60/40 ලෙස දැක්වෙනවා..මේක තමයි ඊයම් හා ටින් අතර නියම අනුපාතය.එය පරික්ෂා කර බලා   ඊයම් රෝලක්ම මිලදී ගැනීම වඩා හොඳයි.
4.බල්බය හදලා ඉවරයි.කරන්ට් එක දුන්නා..වැඩ කරන්නේ නැහැ..
හොඳට නැවත බලන්න..LED එකක හරි කීපයක හරි අග්‍ර මාරු වෙලා ඇති..නැතිනම් අක්‍රිය LED එකක් ඇති.LED පරික්ෂා කිරීමට පහසු ක්‍රමයක් කලින් කීවානේ..ඒක කියවන්න.
ඔබට ජය!