සාක්කුවෙන් වීඩියෝ කරමු..

    ඔයාල ගොඩක් කැමති ඇති තමන් දකින යමක් වීඩියෝ ගත කර ගැනීමට.හුගක් දෙනාට තමන්ට අවශ්‍යම අවස්ථාවේ තමන් ලඟ කැමරාවක් නැහැ.ජංගම දුරකථනය තිබුනත් එමගින් වීඩියෝ කිරීම එතරම් පහසු නැහැ.මොකද එය වෙනත් අයකුට පෙනෙන නිසා..විශේෂයෙන් ඔබට යම් කිසි අවස්තාවක අසාධාරණයක් වන අවස්ථාවක එම දර්ශන වීඩියෝ ලෙස ලබා ගත හැකිනම් ඔබට නීතියේ පිළිසරණ සොයා යාමේදී විද්‍යාත්මක සාක්ෂි ලෙස ඉතා වැදගත් වෙනවා..මේකට වඩාත්ම හොද කැමරාවක් තමයි සාක්කුවේ දමා ගෙන යන පෙන් වර්ගයේ වීඩියෝ

කැමරා.ඇත්තටම පෑනක් වගේමයි..සාක්කුවේ දමා ගෙන පෑනක් ලෙස රැගෙන යා හැකියි.වැදගත්ම දේ කියන්නේ මෙය පෑනක් ලෙස භාවිතා කර ලියන්නත් පුළුවන් වීමයි.මෙමරි කාඩ් එකක් ඇතුළු කල හැක එය 32GB දක්වා වෙනස් කල හැක.මෙගා පික්සල් අටක කැමරාවක් සහිතයි.විනාඩි 120 කාලයක් පටිගතකල හැකි ලිතියම් පොලිමර් නමැති නැවත ආරෝපණය කල හැකි බැටරියකින්ද සමන්විතයි.පරිගණකය හා සම්බන්ද කර දත්ත ලබා ගැනීමට ඩේටා කේබල් එකක් ද නොමිලේ ලැබෙනවා..

මෙම කැමරා ලංකාවේ මිලට ගැනීම අසීරු වුවත් හෙට දින ප්‍රාඨක ඔබට අඩුමුදලට ගෙන්වා දීමට අප සුදානම්.ඔයාලට කැමරා අවශ්‍ය නම් hetadina@gmail.com ලිපිනයට පණිවිඩයක් ලබා දෙන්න..මිල ගණන් ඇතුළු මුදල් ගෙවීමට අවශ්‍ය විස්තර ලබා දෙන්නම්.ඔබට අවශ්‍ය වීඩියෝ කැමරාව ඉතා ඉක්මනින් ගෙදරටම එවීමට අප සුදානම්..

ඔබට ජය!

ජංගම දුරකථන ගෙදරම අලුත්වැඩියා කරමු..

   අපේ ජංගම දුරකථන අලුත්වැඩියා කරන සිංහල පාඩම් මාලාවත් නැගල යනවා කියල මට විශාල පිරිසක් දන්වලා තිබුනා..ඇත්තටම කියනවනම් ජංගම දුරකථන අලුත්වැඩියාව අපට ගෙදර ඉදන් උනත් ඉගෙන ගන්න පුළුවන්..ජංගම් දුරකතයක මුලික කොටස් ටික අල්ල ගත්තාම ඕක මහා කජ්ජක් නොවෙයි..ඕකට ඩිප්ලෝමා උපාදි

ගහන්න ඕනා නැහැ. කඩ්ඩ ටිකක් තමයි ඕනා වෙන්නේ..පරිගණකයක අකුරු ටිකක් කොටා ගන්න පුළුවන් වීමත් ගොඩක් වටිනවා..හරි අපි අද බලමු චීන ජංගම දුරකතනයක් හිටි අඩියේම හිර වුනොත් මොකද කරන්නේ කියලා..කරන්න තියෙන්නී china දුරකථනය නිෂ්පාදනයේ තිබු තත්ත්වයට එහි සියලු සෙටිග්ස් හදන එකයි.ගොඩක් අය මේක දන්නේ නැහැ..phone හද තැනකට ඕක අරන් ගියොත් එයා කෝඩ් එකක් පෙනෙන්න ගහලා ඔයාලගෙන් දෙතුන් සියක් කඩා ගන්නවා..දැන් ගොඩක් අය ළඟ තියෙන්නේ china phone. මේ තියෙන්නේ චීන දුරකථන වලට අදාළ කෝඩ් ටිකක්..ඔය හිරවෙලා හරි හරියට වැඩ ගන්න බැරිව ස්ලෝ වෙලා හරි අකුරු ටයිප් කරන කොට පිස්සුකෙලින දුරකථන තියෙනෙවා නම් default user code එක ගහලා බලන්න phone එක නැවත ආරම්භ වේවි.කලබල වෙන්න එපා වැඩේ නිකම්ම ගොඩ ගියා කියලා ඔබට පෙනේවි..

මෙන්න ඉතා වටින කෝඩ් ටිකක්.ගහලම බලමුකෝ වැඩේ..

CHINA MOBILE RESET CODES 

*#66*# Set Factory Mode CONFIRMED
*#8375# Show Software Version CONFIRMED
*#1234# A2DP ACP Mode CONFIRMED
*#1234# A2DP INT Mode CONFIRMED
*#0000# + Send : Set Default Language CONFIRMED
*#0007# + Send : Set Language to Russian CONFIRMED
*#0033# + Send : Set Language to French CONFIRMED
*#0034# + Send : Set Language to Spanish CONFIRMED
*#0039# + Send : Set Language to Italian CONFIRMED
*#0044# + Send : Set Language to English CONFIRMED
*#0049# + Send : Set Language to German CONFIRMED
*#0066# + Send : Set Language to Thai CONFIRMED
*#0084# + Send : Set Language to Vietnamese CONFIRMED
*#0966# + Send : Set Language to Arabic CONFIRMED
CHINESE MODELS:
default user code: 1122, 3344, 1234, 5678
Engineer mode: *#110*01#
Factory mode: *#987#
Enable COM port: *#110*01# -> Device -> Set UART -> PS Config -> UART1/115200
Restore factory settings: *#987*99#
LCD contrast: *#369#
software version: *#800#
software version: *#900#
set default language: *#0000# Send
set English language: *#0044# Send
set English language (new firmware): *#001# Send also

*මෙම කෝඩ් වැරදි ලෙස භාවිතා කිරීම නිසා දුරකතවලට හානි වුවහොත් ඊට පගේ වගකීමක් නැති බව සැලකුව මනාය. 
ඔබට ජය!

නිවසට නොමිලේ විදුලිය ගන්න පැකේජයක්..

     ඔයාල හැමෝටම ඉතා හොඳ ආරංචියක් තමා මේක..අපි දැනට වසර ගණනාවක සිට කරගෙන ආ සුර්ය ශක්තිය මගින් විදුලිය ලබා ගැනීමට ගෙදරදීම සකස් කර ගැනීමට හැකි පරිදි සියලු විස්තර කියා දෙන මෙරට පළමු පැකේජය ලබා ගත් අය අති විශාලයි.දැන් එම පැකේජය අලුතින් දැනුම රාශියක් සමග දියුණු කළා..ගෙදරදීම තමන්ට නිවසට අවශ්‍ය විදුලිය නොමිලේම නිපදවා ගැනීමට solar genrator සකස් කරන අන්දම මෙහි පරිපුර්ණව විග්‍රහ කර තිබෙනවා..සුර්ය විදුලිය හා නිවසේ ප්‍රධාන විදුලිය ස්වයංක්‍රීයව මාරුවෙමින් ක්‍රියාත්මක වීමට අවශ්‍ය පරිපථය මෙහි දක්වා

තිබෙනවා..සුර්ය පැනල වැඩ කරන හැටි,සුර්ය පැනල වර්ග,solar controller,ඉන්වර්ටර්,බැටරි,controller settings සැකසීම,ගැටළු හා විසදුම්,ඇතුළු ඇති විශාල දැනුමක් සමගින් ඔබට එම නවීකරණය කරන ලද පැකේජය  දැන් පොතක් හා DVD තැටියක් සමග ලබා ගත හැකියි.මෙම පැකේජය සරල සිංහලින් කියාදෙන අතර එම පැකේජයේ මිල රු.1000 ක් පමණි.ලබා ගන්නා අයට ළගම තැපැල් කාර්යාලයට ගෙවා ගැනීමට (vpp) ලෙස එවමි.ඔබට ඔබේ ළගම තැපැල් කාර්යාලයෙන් ලැබෙන ලිපිය රැගෙන ගොස් අදාළ මුදල ගෙවා පැකේජය ලබා ගත හැක.ඔබට අවශ්‍ය උපාංගද දැන් අපවෙතින් තැපැල් මගින් නිවසටම ගෙන්වා ගත හැක..නැතිනම් ඒ සදහා අවශ්‍ය ආයතනද එහි දක්වා ඇත.ඔබට අවශ්‍ය පැකේජය SOLAR ලෙස ටයිප් කර ඔබේ නම හා ලිපිනය 071 836 73 71 ට SMS කරන්න.

ඔබට ජය!

හෙටදින ඇඩ්මින්.

පිටරටින් බඩුවක් ගේමු..

  මම ඔයාලට මිට පෙර පොස්ට් එකකින් කියලා දුන්න මතක ඇති පිටරටින් බඩු අනතර්ජාලය හරහා ඉතා අඩු මිලට ගෙන්වා ගන්නා ආකාරය.ඇත්තටම කියනවා නම් ලංකාවෙන් ගන්නවාට වඩා ගොඩක් අඩුවට බඩු ගෙන්වා ගන්න පුළුවන්.මේ වැඩේ කරන්න කඩ්ඩ ටිකක් තියෙන්න ඕනා.මොකද ඔය සියලුම වෙබ් අඩවි වල සිංහලින් ඕවා
දාලා නැහැ..ඉංග්‍රීසි භාෂාව ඔබේ අනාගතය සදහා දැන් ඉතා වැදගත්

බව කිව යුතුම කරුණක්..විශේෂයෙන් කියන්න ඕනා දැන් ලංකාවේ හුගක් පාසල් වලට අන්තර්ජාල පහසුකම් සහිත විද්‍යාගාර ලැබිලා..ගොඩක් සිසුන් අපේ බ්ලොග් එක කියවනවා කියල ආරංචියි..පාසල් වල සිසුන් විශාල ප්‍රමාණයක් මට කියලා එවලා තිබුනා අන්තර්ජාලයෙන් ගෙදරටම බඩු ගෙන්වා ගන්න විදිහ තව ටිකක් කියලා දෙන්න කියලා..ඒ හැමෝට හරියන්න තමයි මේ පොස්ට් එක බලන්න ඔබේ ගැටලුවටත් පිළිතුර මෙහි තිබේද කියා..

අන්තර්ජාලයෙන් බඩු ගෙන්වීමේදී සැලකිය යුතු කරනු..

1.සෑම විටම පාහේ වෙබ් කාඩ් එකක් භාවිතා කරන්න.(සම්පත් බැංකුවේ වෙබ් කාඩ් එකක් වඩා හොඳයි..)
2.ක්‍රෙඩිට් කාඩ් භාවිතා කිරීමේදී වඩා පරෙස්සම් වන්න..
3.කුඩා අයිටම් හා මිලෙන් අඩු අයිටම් ගෙන්වන්න..
4.paypal හරහා ගනුදෙනු කරන්න..
5.ebay අඩවිය භාවිතා කරන්න..
6.ඔබගේ email ලිපින වෙත බලෙන්ම එන වෙබ් අඩවිවලට මුදල් ගෙවීමෙන් වලකින්න.
7.ඉන්ටෙර්නෙට් කැෆේ වලින් වෙබ් කාඩ භාවිතා කල පසු  සියලු ගිණුම් වලින් ඉවත් විමට වග බලා ගන්න
8.ලන්සු තබා භාණ්ඩ මිලට ගන්න..
9.ඔබට විශ්වාස අඩවිවලින් පමණක් භාණ්ඩ ඇනවුම් කරන්න..
10.ඇනවුම් කිරීමට ප්‍රථම භාණ්ඩය පිලිබඳ සියලු විස්තර අදා වෙබ් පිටුවෙන් හොයා ගන්න.
11.බොහෝ විට සති දෙකක් ඇතුලත භාණ්ඩ ලැබිය යුතුවේ.එසේ නොවේ නම් seller දැනුවත් කරන්න..
12.ඔබ ගෙන්වූ භාණ්ඩ වල ලැයිස්තුවක් පිළියෙළ කර ගන්න.
13.ඔබේ වෙබ් කාඩ් වලට හෝ වෙනත් ගිණුම් වලට අදාළ කිසිදු දත්තයක් කිසිවකුට නොදෙන්න.
14.නොමිලේ ප්‍රවාහනය කරන මිල අඩු භාණ්ඩ ගෙන්වන්න.
15.බරින් වැඩි භාණ්ඩ ගෙන්වීමේදී tax ගෙවීමට සිදුවිය හැක.
16.යම් භාණ්ඩයට මුදල් ගෙවීමට පෙර එය ලංකාවට එවන එකක් ද යන්න හොඳින් විමසා බලන්නන.
මේ තියෙන්නේ මට පහුගිය දවසක ගෙදරටම ආපු පෙන් එකක්.. ඒක සුපිරියටම වැඩ.

.

ඔබට ජය!

12 වොට් LED බල්බයක් හදමු..

  ඔයාල අපේ පාඩම් මාලාව හා පැකේජ ගෙන්වාගෙන දැන් LED බල්බ හදන්න පටන් අරන් ගොඩක් කල් නෙ..දැන් වෙළෙඳ පොලට ඇවිත් තිබෙනවා ප්ලාස්ටික් ආවරණයක් සහිත LED බල්බ.ඇත්තටම මේවා ඇලුමිනියම් බල්බ වලට වඩා ගොඩක් මිලෙන් අඩුයි.ඔයාලට මෙම බල්බ එකලස් කරලා විකුනන්න පුළුවන් නම් ගොඩක් ලාභයක් ගන්න

පුළුවන්..පිටකොටුවේ කඩ වලින් ගන්නත් පුළුවන් නැති නම් අපේ බ්ලොග් එකේ ප්‍රමිල මහතාට කතා කරලා ගෙදරටම ගෙන්වා ගන්නත් පුළුවන්..තැපැල් ගාස්තු විතරයි වැඩිපුර ගෙවන්න වෙන්නේ..මා මේ පහත දක්වලා තියෙන්නේ 12 වොට් LED බල්බයකට ගන්නා කොටස්.

ඉතා පහසුවෙන් විනාඩි පහකදී පමණ ඔබ  ට තනිවම හදා ගන්න පුළුවන්.මෙම බල්බ රත්වීම අඩුනිසා විදුලිය ගොඩක් පිරිමහනවා..වසරක් පමණ යනතුරු අවුලක් එන්නෙත් නැහැ.මේවා දැම්මා කියල TV වලයි රේඩියෝ වලයි වැඩසටහන් අහන්න බාධාවක් වෙන්නේත් නැහැ..මොකද මේවායේ SMP බල සැපයුම නැති නිසා..අදම හදන්න පටන් ගන්න..පට්ට එළියක් තියෙන්නේ...කතාකරලා බඩු ගෙන්වා ගන්න..ප්‍රමිල ගෙන්..0718301069.

ඔබ ජය!

cctv කැමරා සවි කිරීමේදී සැලකිය යුතු කරුනු..

    ඔයාල දැන් තමන්ගේ නිවසට හෝ ව්‍යාපාරික ස්ථානයට cctv කැමරා තමන්ම ස්ථාපනය කරගෙන ඇති.අපේ සිංහල පැකේජ ලබා ගත් විශාල පිරිසක් තම නිවසට cctv කැමරා system සවිකර ගත්තා කියල කියල තිබුනා..ඔයාලට තවත් උදවුවක් විදිහට මම අද කියා දෙන්නම් cctv කැමරා සවිකරන්න ගියාම අප වඩාත්ම සැලකිලිමත් විය යුතු කරුනු මොනවාද කියා..

1.තැනේ හැටියට සුදුසු කැමරා තෝරා ගන්න.(tvl අගය අවම

වශයෙන් 700 වත් විය යුතුය)

2.එළිමහනට cmos cctv කැමරා සවිකරයි නම් කෙලින්ම සුර්ය ආලෝකය කාචයට නොවැටෙන පරිදි සවිකරන්න.

3.එක කැමරාවකින් වැඩිම ප්‍රදේශයක් පෙනෙන පරිදි සවිකරන්න.

4.cctv කැමරාව යකඩ බාර් මත සවිකරන විට ලීකොට කැබැල්ලක් තබා ඒ මත සවිකරන්න.(අකුණුවලින් වන හානි නැවැත්වීමට)

5.සියලුම කැමරා වල වයර pvc නල තුලින් dvr එක වෙත රැගෙන යන්න.

6.dvr එක පහසුවෙන් කිසිවකුට ලඟා විය නොහැකි තැනක තබන්න.

7.අන්තර්ජාලයෙන් නැරබීම හා දුරකතනයෙන් නැරබීම සෑම විටම අවහ්‍ය නොවේ.මෙය ඉන්ටනෙට් බිල වැඩිකරන සාදකයකි.

8.ඔබගේ dvr එකට අදාළ මුරපද හා අන්වර්ථ නාම කිසිවකුට නොදෙන්න.

9.කැමරා සවීරිමෙදි උස ගැන සැලකිලිමත් වෙන්න අඩි අටකට වඩා උස සුදුසු නැත.

10.ptz කැමරා සතියට වරක් වත් ක්‍රියාත්මක කාර බලන්න.

11.ups එකක් හරහා system එකට විදුලිය ලබා දෙන්න.

12.ඔබ cctv කැමරා වෙනත් අයකුට සවිකර දේනම් ඔහුට අනත්ර්ජාලයෙන් නැරබීමට අවශ්‍ය නම් වේගවත් අන්තර්ජාල සම්බන්දතාවක් ලබා ගත යුතු බව කියන්න.

13.slt පැකේජයක් නම් familly එකක් වීම හොඳයි.නැතිනම් 4G මොඩම් එකක් වත් අවශ්‍යය.

14.ජංගම දුරකථන වලින් නැරබීම ස්මාර්ට් ෆෝන් එකක් තිබීම වැදගත් වේ.එහි අන්තර්ජාල සම්බන්දතාවය HSDPA හෝ ඊට ඉහල වේගවත් එකක් විය යුතුය.

ඔබට ජය!

ලියුම් කවර නිෂ්පාදන ව්‍යාපාරයක් අරඹමු..1

   අද කෙතරම් තාක්ෂනය දියුණු වුනත් ලිපියක් තැපැල් නොකළ පුද්ගලයකු මෙරට නැති තරම්..ඔයාල පිටකොටුවේ ස්ටේෂනරි කඩ වලට ගියානම් ඔබ දැකලා ඇති කෙතරම් ප්‍රමාණයක් ලියුම් කවර විකිනෙනවාද කියා..විශේෂයෙන් තාක්ෂනය සමග ලිපි යැවීම අඩු වුවත් තැපැල් කාර්යලකට ගිය විට කෙතරම් පිරිසක් ලිපි යැවීමට පැමිනෙනවාදයි ඔබ දැක ඇති.නීතියානුකුල ලියවිලි ආදිය ෆැක්ස් හෝ email මගින්

යැවීමට වඩා තැපැල් මගින් යැවීම ආරක්ෂිතය.අද වන විට ඇතැම් පිරිස් ලංකාවේ ගෘහ ආශ්‍රිතව ලිපි කවර නිෂ්පාදනයේ යෙදී සිටි..විශේෂයෙන් විවිධ විශේෂ අවශ්‍යතා ඇති පුද්ගලයන් හා විශ්‍රාමික පුද්ගලයන් මීට වැඩි වශයෙන් යොමුවී ඇති බව පෙනන්නට ඇති කරුනකි.මෙයද හොද වෙළෙඳ පොළක් ඇති ව්‍යාපාරයකි..කාටවත් කරදර නැතිව තමාට හැකි පමණින් නිෂ්පාදන අලවි කල හැකි මනා ලෙස සංයමය පුහුණු වන ව්‍යාපාරයකි.

• අවශ්‍ය අමුද්‍රව්‍ය-මෙරට ප්‍රධාන වශයෙන් මැනිලා කොළ යොදා ගැනේ.සුදු පාට ලියුම් කවර සඳහා පෝස්ටර් පේපර් හා බෑන්ක් පේපර් යොදා ගනී.
• මොනවාද ඕන උපකරණ -පේපර් කටර් එකක්.,අගල් බාහගයක පින්සලක්,ශක්තිමත් ඇලුමිනියම් කැබැල්ලක්,මුළු මට්ටමක්,කතුරක්,
• ඇලවීමට සුදුසු ගම් මොනවාද -ඇරබික් කැට ග්ලු කැට,කෙම්පික්ස්,ග්ලු කැට ලෙස ගදුන්වන පරිප්පු ගම් ඉතාවැදගත්වේ..තවත් පියවරක් ඊළඟ ඔස්ට් එකකින්.. 
  
  
  
  
  
  
  
  
  
  
  
  
  
  
  
  

ඔබට ජය!

LED බල්බ වලට පෙට්ටියක් හදමු..

  ගොඩක් දෙනා අපේ පැකේජ අරගෙන LED බල්බ හදන්න පටන් අරන්.විශාල පිරිසක් තමාගේ නිවසට අවශ්‍ය බල්බ තමාම නිපදවා ගත්තා කියල දන්වලා එවලා තිබුනා.තවත් මහර අය ව්‍යාපාර විදිහට පටන් අරන්..සමහරු ගෙවීමේ ක්‍රමයටත් ලබා දෙනවාලු..එවැනි අය මගෙන් අහනවා එයාල හදන LED බල්බ වලට කාඩ්බෝඩ් පෙට්ටියක් හදන්නේ කොහොමද කියලා..මුලින්ම කියන්න ඕනා ඔය පෙට්ටි ඔයාල බඩු ගන්න කඩවලින්ම ගන්නත් පුළුවන්.නැතිනම් ඔබට මුද්‍රණ ආයතනයකට දීලා සාදවා ගන්න පුළුවන්..එහෙම කරනවා නම් පෙට්ටි ගොඩක්

එකවර සාදවා ගන්න එවිට වියදම අඩුයි..මතක ඇතිව ඔයාල එම පෙට්ටියට ඔයාලගේ ව්‍යාපාරයේ නමයි රජයේ ලියාපදිංචි කල අංකයයි දාන්න..ඔයාලගේ නිෂ්පාදිත ලිපිනය සදහන් කිරීමත් ඔබේ විශ්වාසය වැඩි කිරීමට හේතුවෙනවා.පිටකොටුවෙන් ගන්නවා නම් රුපියල් දහයකට පමණ ලබා ගන්න පුළුවන්.කොහොමටත් ඔබ ව්‍යාපාරයක් විදිහට කරනවා නම් මේ වගේ පෙට්ටියක් තිබීම ඉතා වැදගත්.ඔයාලා පිටකොටුවෙන් ගන්න පෙට්ටිවල ඔයාලගේ නම ගහල නැති නිසා ස්ටිකරයක් මුද්‍රණය කරලා අලවන්න.එතකොට වැඩේ හරි.මෙන්න මේ වගේ පතරොමක් තමයි පෙට්ටියකට ඕනා වෙන්නේ.

හරි දැනට පෙට්ටි භාවිතා කරන අය ඒවයේ විස්තර "අපේ පිටුවට"එවන්න.

ඔබට ජය 

රුපියල් 95 ට LED බල්බයක් හදමු..

plastic led bulbs

  ඔයාල අපේ බ්ලොග් එක කියවලා LED බල්බ හදන්න පටන් ගත් කට්ටිය දැන් දන්නවා ඇති ඕවට ඕන කරන බඩුවල මිල ගොඩක් අඩුවෙලා කියල.ගොඩක් දෙනෙක් මගෙන් අහන දෙයක් තමයි ප්ලාස්ටික් LED බල්බ හොඳද කියලා..ඇත්තටම එම බල්බ වල අවුලක් නැහැ.. නමුත් ඇලුමිනියම් බල්බ තරම් කාර්යක්‍ෂම නැහැ..තාප සන්නයනය අඩුවෙන් තමා සිදුවන්නේ..නමුත් මිල අඩු නිසා භාවිතයට පහසුයි.දැනට මෙවැනි වොට් තුනක ප්ලාස්ටික් බල්බයකට අවශ්‍ය සියලු කොටස් රු.95 කට පිටකොටුවෙන් ගන්න පුළුවන්..වොට් පහක එකකට අවශ්‍ය සියලුම කොටස් රු.160 කට ගන්න

පුළුවන්..මෙම බල්බ සකස් කිරීම ඉතාම පහසුයි.එහි SMD බල්බ PCB එකට පාස්සලයි එන්නේ.අපිට කන්ඩෙන්සර දෙකත් වයර් කැබලි දෙකත් බල්බ ඇඩප්ටරත් සවිකරන්න විතරයි තියෙන්නේ..ඒවා සියල්ල කරන අයුරු මා මිට පෙර පොස්ට් එකකින් කියා දුන්නා මතක අති.එම බල්බ බරින් අඩු නිසා බිත්ති ලාම්පු වලට ඉතා හොඳයි.මෙහි PCB එකෙහි ඇති LED බල්බ දැවී ගිය විට ඒවා මල්ටිමීටරයක් මගින් පරික්ෂා කර නැවත අලුතින් දාන්න පුළුවන්...

ඔබට ජය!

LED BULBS නිර්මාණය ගැටළු හා විසදුම්..

   ගොඩක් කට්ටියට හෙටදින බ්ලොග් එකට හිත වැටිලා දැන් පුරුද්දට වගේ බ්ලොග් එක පැත්තේ එන අය ඉන්නවා කියල දත්ත විශ්ලේෂණය කලාම පේනවා..කොටින්ම කියනවානම් දිනපතාම පාහේ බ්ලොග් එක නරබන කට්ටිය දෙසීයකට වැඩියි..ගොඩක්ම දෙනාගේ කැමතිම ළිපි පෙළ තමා LED බල්බ නිෂ්පාදන පාඩම් මාලාව..ඒ අයට ඇතිවන ගැටලුත් ගොඩක් අය email කරලා තිබුනා..ඉතින් අද මම සිතුවා එම

ගැටළු වලට පොස්ට් එකක් විදිහට පිලිතුරු දෙන්න..බලන්න ඔබේ ගැටලුවට පිළිතුර මෙහි තිබේද කියා..

1.අඩුවට උපකරණ ගන්නේ කොහෙන්ද?

ගොඩක් දෙනා අසන ප්‍රශ්නයක්..පිටකොටුවෙන් දැන් ලාබෙට ගන්න පුළුවන්..වික්‍රම ප්ලාසා බිල්ඩිමේ හා 88(අතුල) බිල්ඩිමේ කඩ සාප්පු බොහොමයකින් මේවා මිලදී ගන්න පුළුවන්..ඒ අතරින් හොඳම තත්වයේ බඩු ගන්න තැනක් තමයි වික්‍රම ප්ලාසා එකේ ඩිජිටල් ඉලෙක්ට්‍රොණික් එක..බාල ඒවා කොහොමත් එකේ විකුනන්නේ නැහැ..ඔයාල ඒ කඩෙන් බඩු ගත්ත කියල මට කොමිස් එහෙම නැහැ කියලත් කියන්න ඕනා..කොලඹ පැත්තේ ඇවිත් හැමදාම බඩු ගන්න කඩයක් සෙට් කර ගන්න..එයාලට ඔබ ගැන විශ්වාස ඇතිවුනාම දුර බැහැර අයට කුරියර් කරලා අවශ්‍ය බඩු එවාවි..

2.LED 48 BULB එක නිවී නිවී දැල් වෙනවා..

ඔහොම වෙන්නේ ශ්‍රේණිගතව සවිකරලා තියෙන එක බල්බයක් භාගෙට අප්සෙට් ගියාම..ඕක හොයන්න එක පාරටම යන්න එපා..බල්බය සම්පුර්ණයෙන්ම නිවිලා යන තෙක් POWER දීලා තියන්න.බල්බය නැවත නොදැල්වෙන පරිදි නිවිගිය පසු එහි බල්බ එකින් එක මල්ටිමිටරය මගින් පරික්ෂා කරන්න දැවී ගිය බල්බය සොයා අලුතින් දාන්න..ඒවගේ අප්සෙට් බල්බ බැලුබැල්මටම පේනවා..LED එකේ මුහුණත ටිකක් දුබුරු පාටට හැරිලා නම් බල්බය දැවී යන්න ලගයි.

3.ඇලුමිනියම් ආවරණය සහිත LED බල්බ දැම්මාම රේඩියෝ එකෙන් හා TV එකෙන් ඝෝෂාවක් එනවා..

ඕක වෙන්නේ බාල වර්ගවල බල්බ POWER SUPPLY දැම්මාම..එම POWER වලින් ගුවන් විදුලි තරංග වලට බධා පමුණුවන  තරංග පිට කරනවා..බල්බයේ POWER SUPPLY එකේ 230 අග්‍ර දෙකට 103 /400V විතර මයිලර් කැප් එකක් දාලා බලන්න ඝෝෂාව අඩු වේවි..

4.බල්බයේ ඇඩප්ටර් කොටස සවිකරන්නේ කොහොමද?

සුපර් ග්ලු වගේ ගම එකක් ගලා අලවන්න පුළුවන්..නැතිනම් මම මිට පෙර පොස්ට් එකෙන් කියා දුන්නා වගේ කොන්ක්‍රීට් ඇනයකින් කුඩා සිදුරු විද සවිකරන්න..

5.බල්බ විකුනන්නේ කොහොමද?

ඔයාලට කැමති ආකාරයට නමක් යොදා අලෙවි කරන්න..පිටතට අලෙවි කිරීමට පෙර තමන්ගේ නිවසේ සියලු බල්බ වලට LED බල්බ සවිකර ඇතිවන විදුලි ඉතිරිය වටහා ගන්න..ගොඩක් අයට එකවර ගෙවලා බල්බ කීපයක් මිලට ගන්න බැහැ..ඒ අයට විශ්වාස ඇති අයට පමණක් මාසිකාව පහසු ගෙවීමේ ක්‍රමයට ලබා දෙන්න..මුදල අනිවාර්යෙන් ලබා දිය යුතු දිනයක් යොදා ගන්න.

ඔබ නිෂ්පාදනය කය බල්බ වලට විශාල වටිනා කමක් ඇත මන්ද යත් ඒවා අලුත්වැඩියා කර නැවත නැවත භාවිතා කල හැකිවීම නිසාය..අපේ පැකේජ වලින්ද මා ඔබට LED 48 බල්බයෙන් වැඩ අරබන ලෙස කියා ඇත්තේ ආධයුනික ඔබගේ බවුතය පරිහරණය ඉගෙන ගැනීම සඳහා වැඩි බල්බ ප්‍රමාණයක් පෑස්සීමෙන් හුරුවක් ලබා ගැනීමටය..

LED BULBS අපිම හදා ගමු..

  ඇත්තටම ගොඩක් සතුටුයි.අපේ බ්ලොග් එක කියවලා විශාල පිරිසක් LED BULB නිෂ්පාදනය පටන් අරගෙන කියල අපට දැනුම් දීල තියෙනවා..ගොඩක් දෙනෙක් තම නිවසට අවශ්‍ය බල්බ් ගෙදරම හදා ගත්ත කීවා..ඇත්තටම ඒක ගොඩක් වැදගත්..අපටම අවශ්‍ය දේ අපටම නිපදවා ගන්න පුළුවන් නම් එය ඉතා වැදගත්..තවත් සමහර අය කුඩා ව්‍යාපාරයක් හැටියට

බල්බ නිෂ්පාදනය පටන් අරන්.බල්බ නිෂ්පාදනය පටන් ගන්න අයට මුලින්ම කියන්න ඕනා එය පළමුවෙන්ම නිවසින් පටන් ගන්න කියලා.ගෙදරට අවශ්‍ය සියලුම බල්බ තමාම නිපදවා ගන්න.දැන් බඩු වල මිලත් අඩුවෙලා තියෙන නිසා වැඩේ ලේසියි.විනාඩි දෙක තුනෙන් හදා ගන්න පුළුවන් බල්බ වර්ග තියෙනවා කියල මම මිට පෙර පොස්ට් එකකින් කියා දුන්නා මතක ඇති.ප්ලාස්ටික් බල්බයේ සිට ඇලුමේනියම් බල්බ හා LED ටියුබ් ලයිට් හා ෆ්ලෑෂ් ලයිට් දක්වා ඕනෑම එකක් ඔබට ඉතා පහසුවෙන් තනා ගත හැකියි..මෙම බල්බ වල වැදගත්ම කරුණ වන්නේ එය නැවත නැවත අලුත්වැඩියා කර භාවිතා කල හැකිවීමයි.එහි බාහිර ආවරණයට හානිවීම ඉතා අඩු නිසා එය නැවත නැවත භාවිතා කරන්න පුළුවන්..

ඔබට LED බල්බ භාවිතා කිරීම නිසා නිවසේ විදුලි බිල 50% කින් පමණ අඩු කරන්න පුළුවන්..සාමානය විදුලු බුබුළු වලින් හීටර් වාගේ ශක්තිය අපතේ යනවා..එය ජාතික අපරාධයක්..අනික තමයි අප හදුන්වා දීල තියෙන SOLAR SYSTEM වලටත් ඔබ අනිවාර්යයෙන් LED බල්බ භාවිතා කරන්න.ඔබ හිතනවාටත් වඩා වැඩි වෙලාවක් බැටරිය මගින් බල්බ දල්වේවි..බ්ලොග් එක කියවලා බල්බ හදන හැටි ඔයාලට ඉගෙන ගන්න පුළුවන් වගේම ගොඩක් විස්තර සහිතව වීඩියෝ පාඩම් සහිත පාඩම් මාලා අප සකස් කර තියෙනවා..කැමති අයට ඒවා මිලදී ගන්න දැන් පුළුවන්..DVD එකක සියල්ල ඇතුලත් කර තිබෙනවා.උපකරණ මිලට ගැනීමට තැන් හා දෝෂ සෙවීමට ක්‍රම ද අපේ පැකේජ වල ඇතුලත්..සියල්ල සරල සිංහලින් පැහැදිලි කර තිබෙනවා..ඔබ අපේ සිංහල පැකේජ ලබා ගැනීමට අදහස් කරන්නේ නම්..ඔබේ නම හා ලිපිනය අවශ්‍ය පැකේජ සමග අපට SMS කර එවන්න..(071 836 73 71) පැකේජය ඔබේ ළගම තැපැල් කාර්යාලයට එවන අතර(VPP) ඔබට ලැබෙන ලිපිය රැගෙන ගොස් අදාළ මුදල(රු 1000) ගෙවා එය මිලදී ගත හැකියි.. අමතර ඉගැන්වීම් සඳහා ඔබට සහභාගි වීමට අවශ්‍යනම් හෙටදින අඩවියේ DEVELOPING MANAGER ප්‍රමිල (071 830 10 69)සමග සාකච්චා කර ගන්න..

ඔබට ජය!

ශීතකරණයේ විදුලි පාරිභෝජනය අඩු කරමු..

    ශීතකරණයේ විදුලි පාරිභෝජනය අඩු කිරීමට ක්‍රමයක් මා මිට පෙර පොස්ට් එකකින් කියා දුන්නා මතක ඇති.එදා මම පොරොන්දු වුනා මේක වැඩකරන  හැටි කියලා දෙනවා කියලා.. ඔන්න අද එම පොරොන්දුව ඉෂ්ඨ කළා..

විදුලි ධාරාවක් යම් ස්ථානයකට ගලන විට එහි තරංගයේ හැඩය සයිනාකාර හැඩයක් ඇතැයි අප උපකල්පනය කලත් සැබවින්ම එසේ නැත.ප්‍රධාන ට්‍රාන්ස්ෆෝමර් වලින් විදුලිය

බෙදා හැරීමේදී විදුලි තරංගයේ හැඩයට විවිධ බධා මතුවේ.අධි වෝල්ටීයතා සම්බන්ධක ස්ථාන ආදියේදී ඇතිවන දුර්වල සම්බන්ද වලදීද තරංග හැඩයට විකුර්ති එකතුවේ.මේ ආකාරයට වෙනස් වන විදුලි ධාරාවකින් අප ප්‍රත්‍යාවර්තක විදුලි උපාංගයක් ක්‍රියා කල විට එහි නිසි ක්‍රියා කාරිත්වයට බාදා පැමිණේ..විදුලි මෝටර්.ට්‍රාන්ස්ෆෝමර් ආදී කොයිල් සහිත උපාංගවලට මින් වැඩි බලපෑමක් එල්ල වෙයි..අක්‍රමවත් ප්‍රත්‍යාවර්තක තරංගාකාර වෝල්ටීයතාවය නිසා කොයිල් තුලින් ධාරාව ගලන විට තාපය නිෂ්පාදනය වැඩිවේ..

එවිට විදුලිය අපතේ යයි.එමෙන්ම විදුලි උපකරණ වලට හානි පමණේ.දියෝද දෙකක් හෝ හතරක් යොදා ඔබ සාදා ගත් ඍජුකරන පරිපථය ඔබට මතක ඇති.එහි ධාරාව පිටවන අග්‍ර දෙකට ඉලෙක්ට්‍රොලයිටික් කැපෑසිටටරයක් යෙදීමෙන් එහි පිටවන වෝල්ටීයතාව සුමට වෙයි..මෙලෙස ප්‍රතාය්වර්තක ධාරාවක් ගලන පරිපතයට ඉහල වෝල්ටීයතාවක්  ඇති අඩු ධාරිතාවක් ඇති කැපෑසිටර් යෙදුවිට එතුලින් පිටවන ප්‍රත්‍යාවර්තක ධාරාවේ සයිනාකාර හැඩය නියමිත හැඩය ලබා ගනී..එවිට විදුලි උපකරණ අනවශ්‍ය පරිදි රත් නොවන අතර විදුලිය අපතේයාම වලකා ගත හැක.මෙය ඔබටම සකස් කර ගත හැක.මෙමගින් වැඩි වාසි සැලසෙන්නේ දිගුකාලීනව භාවිතා කරන උපකරණ වලටය.

ඔබට ජය!

සුර්ය විදුලි ජනක නිර්මාණය ගැටළු හා විසදුම්..

   ඇත්තටම ගොඩක් සතුටුයි..අපේ බ්ලොග් එකේ ලිපි කියවලා තමන්ටම කියලා solar system එකක් ගෙදරට හයි කර ගත්තා කියලා අති විශාල පිරිසක් මට email කරලා තිබුනා..ඒ අතරේ බහුතරයක් දෙනාට තිබුන ගැටලුවවලට අද පිළිතුරු මේ පොස්ට් එකින් දාන්නම්..බලන්න කියවලා ඔබේ ගැටලුවට පිළිතුර මෙහි තිබේද කියා..

• solar පැනල වර්ග මොනවාද?

ගොඩක් හොඳ ප්‍රශ්නයක්..මගෙන් කට්ටිය නිතරම කතා කරලා අහනවා...solar පැනල වර්ග කීපයක් තියෙනවා..ඒවයේ එකින් එකට ලැබෙන කාර්යක්ෂමතාවය වෙනස්..මෙන්න පැනල වර්ග තුන මේවා ප්‍රධාන වර්ග තුන පමණයි තවත් වර්ග තියෙනවා..ඒවා අපට එතරම් වැදගත් නැහැ..

1.Mono Crystalline solar panels

2.poly Crystalline solar panels

3.Amorphous Crystalline solar panels

මේවාම තවත් නම් වලින් හැදින්වෙන අවස්ථා තියෙනවා..නමුත් ඒවා ගැන කලබල වෙන්න එපා..ඔය පැනල වල භාහිර හැඩය හදුනා ගන්න.එය ඔබට ප්‍රමාණවත් හොඳ පැනලයක් තෝරා ගැනීමට..

මෙම පැනල වලින් වඩාත් කාර්යක්‍ෂම එක තමා Mono Crystalline solar panels මෙහි සාමන්‍ය කාර්යක්‍ෂමතාවය 13%-20% අතර වෙනවා..

එම පැනල වර්ග තුනේම විවිධ කාර්යක්‍ෂමතාවය වෙනවෙනම පහත පරිදි දැක්විය හැක..

මෙම රූප වලින් විවිධ වර්ග වල solar පැනල වල හැඩය හදුනා ගන්න..

• පැනලය solar controller එකින් ගැලවුවිට ස්වයංක්‍රීයව විදුලි පත්ධතිය ක්‍රියාත්මක වෙනවාද?

ඔව්..ඔබේ solar controller එකේ timing mood එකේ යම් කිසි පැය ගණනකට ඔබ settings සකසා තිබේනම් දිවා කාලයේදී පැනල මගින් controller එකට එන වයර ගලවුවිට ස්වයංක්‍රීයව පත්ධතිය ක්‍රියාත්මක වෙනවා..හැබැයි වයර් ගලවා විනාඩි 5-10 අතර තිබිය යුතුයි.එවිට solar controller එක තේරුම් ගන්නේ රෑ බෝවුනා කියලා..නිසා ස්වයංක්‍රීයව බැටරිය මගින් විදුලිය ඉන්වර්ටරය වෙත මුදා හරිනවා..මෙය ඔබේ solar controller එක නිමිත පරිදි ක්‍රියාත්මක වේදැයි බැලීමට වුවත් මෙය යොදා ගත හැකියි..

• solar controller ලබා ගන්නේ කොහෙන්ද?

මේවා දැන් අප වෙතින් ගෙන්වා ගත හැක.ඇම්පියර් 10,20,30 solar controller ඔබට නිවසටම එවීමට අප සුදානම්..අදාළ ගාස්තු හා තැපැල් ගාස්තු ගෙවා ඔබට ඒවා වසරක වගකීමක් ඇතිව ලබා ගන්න පුළුවන.ඔබට අවශ්‍ය controller වර්ගය අපේ email ලිපිනයට එවන්න.(hetadina@gmail.com)

• solar පැනල වල වොට් ගණන වැඩි කරන්නේ කොහොමද?

මෙය එකසමාන වෝල්ටීයතා ඇති පැනල කීපයක් සමාන්තර ගත ලෙස සවිකර සිදුකර ගත හැක.උදාහරණ ලෙස වොට් හැටක පැනලයක් සකස් කර ගැනීමට වොට් 20 පැනල තුනක් සමාන්තර ගත ලෙස එහි අවුට් පුට් අග්‍ර සවිකලවිට වොට් 60 ලබා ගත හැක.

ඔබට ජය!

හොර දුරකථනයක් අල්ලන හැටි..

  අද කාලේ ලංකාවේ ඉතා අඩුවට ගන්න පුළුවන් දුරකථන එමටයි.රු 2000 ඉදලා ඉහළ ගණන් වලට ඉතා පහසුවෙන් දුරකථන මිලදී ගන්න පුළුවන්..ඔයාලා පේමන්ට් එකේ තියාගෙන විකුණන ස්මාර්ට් ෆෝන් එහෙම පිටකොටුවේ තියෙනවා දැකලා ඇති.ගොඩක් අඩුවට ගන්න පුළුවන් දුරකථන ඔයාලට හමුවෙලා ඇති.මේවා බොහොමයක් ව්‍යාජ

දුරකථන කියලා ඔයාල නොදන්නවා ඇති.මෙම ව්‍යාජ දුරකත භාවිතය ඔබේ ශරීර සුවතාවට එතරම් ගුණදායක නැහැ.මොන වර්ගයක ඔබ දුරකථනයක් ගත්තත් එයටම ආවේනික හැදුනුම් පත් අංකයක් තියෙනවා.අපට එම අංකය යොදා ගෙන ඔබේ දුරකතනය අන්තර්ජාතික වශයෙන් ලියාපදිචි අනුමත එකක්ද යන්න ඉතා පහසුවෙන් සොයා ගත හැකියි..හරි දැන් කට්ටිය තමාගේ දුරකථන අතට ගන්න.දුරකථන තිරය මත *#06# සටහන් කරලා ඔයාලගේ දුරකතනයේ IMEI  හොයා ගන්න.ඕක ඉලක්කම් පහළොවක අංකයක් බව පෙනේවි.දැන් බැටරිය ගලවන්න..එවිට ඔබට පෙනේවි IMEI ලෙස සටහන් අංකයක් ..එය ඔබ කලින් කේතය සටහන් කර ලබා ගත් අංක හා සමාන වෙන්න ඕනා..නමුත් මෙම අංකය පවා දැන් අපේ පොරවල් හොරට ගහනවා..ඉතින් ඒකට කරන්න තියෙන්නේ අන්තර්ජාලයෙන් මේක පරික්ෂා කරන එකයි.හරි දැන් කට්ටිය මෙතනින් මේ වෙබ් සයිට් එකට යන්න..

ඔයාලට පෙනේවි Enter IMEI කීයල කොටුවක් එකේ ඔයාලගේ දුරකතනයේ ඉමි අංකය සටහන් කර ඉදිරියෙන් ඇති..CHECK යන බොත්තම ඔබන්න.මෙහෙම ආවොත් ඔබේ දුරකතනය හොඳ එකක්..

බලන්න එහි ඔබේ දුරකථනයේ තාක්‍ෂණික විස්තර ඔක්කොම තියෙනෙවා...මේ විදිහට ආවොත් එය හොර එකක්..

එනම් එය අනුමත නොකළ එකක්..මෙවැනි ව්‍යාජ දුරකථන භාවිතා කිරීම නිසා ඔබට කුමන හෝ පාර්ශවයකින් අගතියක් සිදුවුහොත් ඒවාට අදාළ දුරකතන සමාගම් වගකියන්නේ නැහැ..

ඔබට ජය!

මදුරුවාට කරන්ට් වදින හැටි..

  නිවෙස් වල අපට එපාකරපු සතෙක් තමයි මදුරුවා..රෑ වෙන කොට නිවසට එන මදුරුවන් නිසා අපට වන හිරිහැරය සුළුපටු නෑ..ඩෙංගු වගේ මාරාන්තික රෝග බෝ කරන්නත් ඔය කියපු කට්ටිය උදවුවෙනවා..ගෙදර මදුරු මර්දනයට කොපමණ ක්‍රම තිබුනත් ඒවායින් එතරම් ප්‍රතිපලයක් නෑ කියල ඔයාලට සමහර විට සිතිල ඇති.මදුරු දඟර පත්තුකලාම සමහර අයට  අසාත්මිකතා ඇතිවෙනවා..අර ප්ලග් එකට ගහන දියර අඩංගු උපකරණය සවිකාලම ත් සමහර යට එහෙම වෙනවා..මේ එකක්වත් කරදර නැතිව මදුරුවන් මරා දමන්න ක්‍රමයක්

නැතිද?

ඔයාල සමහර විට දැනටමත් එවැනි ක්‍රම භාවිතා කරනවා ඇති.විදුලි ධාරාවක් මගින් මදුරුවන් මර්දනය කරන දැලක් සහිත උගුල් ඔයාලා දැකලා ඇති.සමහර ඒවා බැට්මින්ටන් පිත්තක් වගේ ඒවත් දැකලා ඇති.ඔය කෝක ගත්තත් එකේ සිද්දවන දෙය එක සමානයි.එම උපකරණ වල තිබෙනවා කුඩා වෝල්ටීයතාවයක් විශාල වෝල්ටීයතාවක් බවට පත් කරන උපාංගයක්.එම උපාංගය මගින් වෝල්ට් 1800 ක පමණ වෝල්ටීයතාවයක් නිෂ්පාදනය කරනවා..එසේ නිපදවන විදුලිය දැලක් ලෙස ඇති කම්බිවල දෙකෙලවරට ලබා දෙනවා.ස්විචය ඔන් කලවිට එම කම්බි දැලෙහි කම්බි දෙකක් අතර කලින් සඳහන් කල විද්‍යුත් ගාමක බලය පිහිටනවා.මදුරුවෙකු හෝ වෙනත් කෘමියෙකු එම කම්බි දෙක අතරට ගියොත් කම්බි දෙකෙහි අදික වෝල්ටීයතාව නිසා ඌට විදුලිසැර වදිනවා..එයින් ඌ ක්ෂණිකව මරණයට පත්වෙනවා..

ඉතින් මදුරුවෝ නිකම්ම ඔය කරන්ට් එක තියෙන දැල් අස්සට රිංගයිද?ඔය දැල් දෙක අතර තියෙනවා පාරජම්බුල කිරන නිකුත් කරන විශේෂ බල්බයක්.ගොඩක් මදුරු වර්ග හා කෘමින් පාරජම්බුල කිරණ හොයා ගෙන එනවා.එලෙස එන අයට කලින් කියපු ඉරණම තමයි අත්වෙන්නේ..හැබැයි හැම මදුරුවෙක්ම ඔය පාරජම්බුල කිරණවලට ඇදිල එන්නේ නැහැ..අපි ඒගැන හොයල බැලුවා..ඒ අනුව අපට හොයා ගන්න පුළුවන් වුනා උන් ඇදිලා එන තවත් අවශ්‍යතා කීපයක්.ඒ අනුව අහුමුලු වල ඉන්න මදුරුවෝ ඔක්කොම මේ උගුල දිහාවට ගෙනා ගන්න ඉතා සරල ක්‍රම කීපයකින් පුළුවන් කියල අපට වැටහුනා..දැන් අපි එම ක්‍රම තවත් දියුණු කරමින් ඉන්නේ.නුදුරු දිනයකදීම වඩාත් සංවර්ධනය කල ස්වයංක්‍රීය ඉලෙක්ට්‍රොණික  මදුරු උගුලක් හදුන්වා දීම අපි දැන් කටයුතු කරගෙන යනවා..එය අඩු මුදලකට අලෙවි කිරීමටත්..කැමති අයට ගෙදරම හදා ගන්න හැටිත් කියලා දෙන්න හෙටදින තාක්ෂණික ආයතනය හෙට අනිද්දාම ක්‍රියාකරනු ඇති.

ඔබට ජය?

ජංගම දුරකථන අලුත්වැඩියාවේ සගයා..

  මතක ඇතිනේ අපි ජංගම දුරකථන අලුත්වැඩියා කරන අන්දම ඉගෙන ගන්න පාඩම් මාලාවක් ආරම්භ කළා..මේකත් එකට සෙට් වෙන පොස්ට් එකක්..ඔයාල දැනටත් ගෙදර පොඩියට ජංගම දුරකතන අලුත්වැඩියා කරනවා ඇති.ඒ අයටත් මේගැන දන්නා අයගේ දැනුම අලුත් වෙන්නත් තමයි මේ පොස්ට් එක..ඔයාල සමහර විට දුරකතනයක් හදන්න අරන් ගියාම කුඩා බොක්ස් එකකට සවිකරන ලද වයර් වලින් phone එකට කරන්ට් එක දීලා පරික්ෂා කරනවා දැකල ඇති.ඒක එයාල ටිකක් හංගගෙන තමයි මේ වැඩේ කරන්නේ.. මේසෙ ලෑල්ල යට තමයි ගොඩක්

වෙලාවට ඕක තෙයෙන්නෙ.ඕකට කියන්නේ DC POWER SUPPLY කියලා..එය කුඩා ඉලෙක්ට්‍රොණික උපකරණයක්.ඇත්තටම මෙය බලසැපයුම් උපකරණයක්.දුරකතනයක ගොඩක් දෝෂ මේකෙන් හොයන්න පුලුවන්..ඕනෑම දුරකතනයක් බැටරිය නැතිව මෙම උපකරණය සවි කලාම ඔන් කරන්න පුළුවන්..මෙවැනි සාමන්‍ය මට්ටමේ උපකරණයක් රු 11500 විතර වෙනවා..

මෙහි ක්‍රියාකාරිත්වය ඉතා සරලයි.බල සැපයුම මගින් ලැබෙන බලය වෙනස් කිරීමට සුවිචයන් කීපයක් තියෙනවා.අපට ඕනා විදිහට ධාරාව හා වෝල්ටීයතාවය පාලනය කල කැකි ලෙස සකස් කර තියෙනවා..මෙහි ඉදිරිපසින් LED සප්තකන්ඩ ප්‍රදර්ශකයක් තියෙනවා..ඒකෙන් අපට විවිධ වෝල්ටීයතා නියමිත පරිදි තබා ගත හැකියි..

මෙම උපකරණ භාවිතා කිරීමෙන් ඔබට ඉතා පහසුවෙන් විශාල ප්‍රමාණයක දුරකථන වල දෝෂ ඉතා පහසුවෙන් සොයා ගත හැකියි ..ටික ටික ඔක්කොම කියලා දෙන්නම්.දිගටම අපිත් එක්ක ඉන්න.ඊළඟ පොස්ට් එක මගින් දෝෂ හදුනා ගන්නා ආකාරය කියා දෙන්නම්.

ඔබට ජය!

LED DISPLAY PROGRAMMING CLOCK SETTINGS හදන හැටි..

   ඔයාල අලුත් අමතර ජොබ් එකක් විදිහට LED නාම පුවරු නිෂ්පාදනය පටන් අරන් කියල මට දිනපතාම වගේ දුරකතන ඇමතුම් ලැබෙනවා..ගොඩක් දෙනා මගෙන් අහනවා ඒ අය හදපු පැනල් එකේ වෙලාව වෙනස් වෙන වාලු..මම මේ ගැන අපේ සිංහල පැකේජ් එකෙනුත් කියලා දීල තියෙනවා..මට

හිතෙන විදිහට ව්‍යාජ DVD එකක් පස්සේ ගිහිල්ලා වැඩේ අනා ගත් අය තමයි මේවා අහලා නිතරම EMAIL කරන්නේ.හරි ඒ හැමෝටම දැන ගන්න තමයි මේ පොස්ට් එක.ඉතින් ඔයාල පහත පින්තුරේ දාල තියෙන විදිහට වැඩසටහනට CLOCK එකක් ද ගන්න.එහි ප්‍රමාන වර්ණ ආදී තවත් ගොඩක් දේවල් තමන්ට ඕනා හැටියට වෙනස් කරන්න පහලින් තියෙන ඔප්ෂන් භාවිතා කරන්න.

මුලින්ම ඔයාලගේ පැනලයට හා CONTROLLER එකට විදුලිය සපයන්න.දැන් එය පරිගණකයට DATA කේබල් එක මගින් සවි කරන්න.මම පහත පින්තුරේ දාල තියෙන විදිහට දැන් ක්ලික් කරන්න.

ඔබට පෙනේවි ඔයාලගේ පරිගණකයේ වෙලාවට සමානව පැනල එකෙත් වෙලාව වෙනස් වෙනවා..ඔයාල අළුතින් යමක් CONTROLLER එකට අප්ලෝඩ් කරන වාරයක් පාසා මෙම SYNC ලෙස ඇති ටැබ් එක ක්ලික් කිරීමට අමතක නොකරන්න.

පෙන් එකෙන් ප්‍රෝග්‍රෑම් කරන අයටත් මේක අදාලයි.තවත් දෙයක් ඔයාලගේ CONTROLLER එකේ කුඩා බොත්තමක් වගේ බැටරියක් තියෙනවා දැකලා ඇති එකෙන් තමයි පැනල්එක OFF කලත් වෙලාව නිවැරදිව තබා ගන්නේ.. .ඉතින් බැටරි නැති TFSU වගේ ඒවායින් වැඩ කරන පැනල වල POWER නැති වෙලාවට ඔරලෝසුව දුවන්න ක්‍රමයක් නැහැ.ඒවාට නම් දිගටම POWER දීලා තමයි තියන්න වෙන්නේ.විදුලිය විසන්දි වුන වෙලාවක වෙලාව වෙනස් වෙන්න පුළුවන් නිසා UPS එකක් හරහා පැනලයට බලය සැපයීමත් වඩා හොඳයි.එවැනි පැනල ස්වයංක්‍රීයව ON/PFF වීමට අවශ්‍ය සැකසුම් සකසා තබන්න.එවිට පැනලය නිවිගියද CONTROLLER එකට බලය ලැබී ඇති බැවින් වෙලාව වෙනස්  වන්නේ නැහැ...

තවත් දෙයක් මට හුඟක් අය කතා කරලත් EMAIL දාලත් කියලා තියෙනවා..අපේ බ්ලොග් එකට සමාන ව්‍යාජ අඩවි අන්තර්ජාලයට දාලා කියලා..අහන්නත්  ලැජ්ජයි නේ..තමන්ටම කියල නව නිර්මාණවත් බ්ලොග් එකක් හදා ගන්න බැරි අයගේ අනෙක් තෙපර ගැන...

ඔබට ජය !

සුර්ය විදුලිය රජයට විකුණමු..

  අපි ගෙදර නිපදවන සුර්ය විදුලිය රජයට විකුනනේ කොහොමද?මෙය ඔබට ගැටලුවක් ව ඇති .හරි මම කියලා දෙන්නම් ඒක කරන හැටි..ඒ කියන්නේ දවල්ට විදුලි බල මණ්ඩලය පැත්තට කැරකි රෑට පමණක් අපේ පැත්තට කැරකෙන විදුලි මීටරයක් සවිකර ගන්න ඔබ කැමති වියයුතුයි..කවුද අකමැති මේ වැඩේට..රජයත් මේකට ෆුල්

සපෝට් නිසා ලේසියෙන්ම වැඩේ කරන්න පුළුවන්..

ඉතින් මේ වගේ විදුලි මීටරයක් සවිකරන්න නම් ඔබේ නිවසේ සුර්ය විදුලි උත්පාදක යන්ත්‍රයක් තියෙන්න ඕන.ඔබ පත්ධතිය මගින් නිපදවන විදුලිය දිවා කාලයේදී ජාතික විදුලි බල පත්ධතියට එකතුවෙනවා..එවිට විදුලි මීටරය ආපස්සට කැරකෙනවා..රාත්‍රියේදී අපි විදුලිය භාවිතයට ගනිද්දී මීටරය ඉදිරියට කැරකෙනවා..දවල්ට ආපස්සට කැරකෙන ප්‍රමාණය වැඩිනම් අපට මාසෙකට විදුලි බිලක් එන්නේ නැහැ..හරි ඉතින් කොහොමද රජයට විකුනන්න පුළුවන් ක්‍රමයට සුර්ය බල පත්ධතියක් හදා ගන්නේ..මේකට තමයි සුනිත්‍ය බලශක්ති අධිකාරිය තියෙන්නේ..එයාල අපේ වැඩේට ෆුල් සපෝර්ට් එකක් දෙන්න නිතරම සුදානම්..නිත්‍යානුකුලව වැඩේ කරන හැටි සරලව කියලා දෙන්නම්..

සුර්ය බලශක්තිය පුනර්ජනනීය එකක් නිසා මෙහි වටිනා කම මිල කල නොහැකියි.මම කලින් කීවක් මෙන් ඔබ නිපදවන විදුලිය රජයට අතිරික්ත ලෙස ලබා දුන්න හොත් ඒවා වසර දහයක් ඇතුලත අපට නැවත ලබා ගත හැකියි..

සාමාන්‍යයෙන් ලංකාවේ වැඩිපුරම ඉන්නේ විදුලි එකක 100-120 විතර භාවිතා කරන අය.අපි හිතමු විදුලි එකක 115 භාවිතා කරන පවුලක් ගැන.ඔවුන්ට මාසික විදුලි බිල රු 2550 ට ටිකක් අඩුයි.එතකොට ඔවුන් කිලෝවොට් භාගයක් විදුලිය නිපදවන සුර්ය කෝෂයක් සවිකර ගත්තොත් ඔවුන්ට සාමානයෙන් වැයවන්නේ ජාතික විදුලි බල පත්ධතියෙන් මාසිකව ඒකක 55 ක ප්‍රමාණයක් විතරයි.ඒ කියන්නේ මාසික විදුලි බිල රු 340 ට ටිකක් අඩුයි.කිලෝ වොට් භාගයක සුර්ය කෝෂයක් වෙළෙඳ පොලේ රු 175000 පමණ වෙනවා..කිලෝ වොට් එකක සුර්ය කෝෂයක් සහිත පත්දතියක් රු ලක්ෂ්‍ය තුනක් පමණ වෙනවා..සාමානයෙන් කිලෝ වොට් භාගයක් විතර එකක් සවිකර ගන්න පුළුවන් අයට  මේක ගොඩක් වටිනවා..

ඉතින් සුර්ය කෝෂයක් සවිකරගෙන මේ ක්‍රමයට එකතු වෙන්න කැමති අය ඔයාලගේ ප්‍රදේශයේ විදුලි අධිකාරි තුමාගෙන් අදාළ අයදුම් පත ලබා ගෙන පුරවා භාර දෙන්න.එවිට ඔවුන් ඔබට සුහිත්‍ය විදුලි අධිකාරියේ ලියාපංචි සුර්ය කෝෂ බෙදා හරිනන්ගෙන් කෙනෙක් තෝරා ගෙන සුර්ය කෝෂයක් මිලදී ගෙන සවිකර ගත හැකියි.ඒ වගේම කියන්න ඕනා ඔබ සුර්ය කෝෂයක් තෝරා ගන්න කොට එයට රක්ෂණ සහතිකයක් දිගුකාලින වගකීමක් ලබා දෙන ආයතනයක් තෝරා ගත යුතු වෙනවා..ඔබට වැඩි විස්තර ලබා ගැනීමට පහත ස්ථානයට යන්න නැතිනම් අමතන්න.

ශ්‍රී ලංකා සුනිත්‍ය බලශක්ති අධිකාරිය, Block 5,පළමු මහල,BMICH,බෞද්ධාලෝක මාවත 

කොළඹ 07.(011 2 677 445) www.energy.gov.lk

• උදවු ගන්න මෙහාට එන්න.

• නෙට් මීටර් ක්‍රමයට යන්න  ඇප්ලිකේෂන් එක මෙතනින් බාන්න

• ශ්‍රී ලංකා සුනිත්‍ය බලශක්ති අධිකාරිය ගැන වැඩි විස්තර මෙතනින් ගන්න.

ඔබට ජය!

තැපැල් කාර්යාලවල postal codes මෙන්න.

ගොඩක් අය ලිපි තැපැල් කරන විට postal code එක ලිපිනයට යටින් ලියන්නේ නැහැ.එයින් පාඩුව සිදුවන්නේ ඔබටමයි.postal code එක සඳහන් කිරීමෙන් ඔබේ ලිපිය ඉක්මනින් හා නිවැරදි ලෙස ලිපිනයට යැවීමට හැකි වෙනවා..විශේෂයෙන් ඔබ පිට රටින් යම් භාණ්ඩයක් ඇනවුම් කරන විට postal code එක අනිවාර්ය වෙනවා..දියණු රටවල මෙම තැපැල් සංකේතය අනිවාර්යයෙන් භාවිතා කලයුතු වෙනවා..අංක පහකින් යුතු තැපැල් සංකේතයේ පහත කරුණු අඩංගු වෙනවා..

තවත් දෙයක් ඔයාලා අප ආයතනය මගින් පැකේජ ලබා ගැනීමට ලිපිනය එවීමේදී postal code එක ලිපිනය යටින් ලියා එවන්න.එවිට ඉක්මනින් හා නිවැරදිව ඔබට අදාළ පැකේජය ලැබේවි.මෙතනින් ගිහින් ලංකාවේ සියලුම තැපැල් කාර්යාල වල postal code ටික බා ගන්න.

ඔබට ජය!

solar විදුලි ජනක නිවැරදිව ස්ථාපනය කර ගනිමු..

ගොඩක් සතුටුයි.ලංකාවෙත් පිටරටත් ගොඩක් කට්ටිය අපේ බ්ලොග් එක කියවලා නිවෙස් වලට සුර්ය විදුලිය ගත්තා කියලා මට email කරලා තිබුනා.ඔයාලා තම solar system එක ස්ථාපනය කරන විට පහත උපදෙස් යොදා ගන්න.එවිට ඇතිවන කරදර ගොඩක් අඩුවේවි.ඔයාලට මේ ගැන ඇති

ඕනෑම ගැටලුවක් අපේ email එකට යොමු කරලා නොමිලේ පිළිතුරු ලබා ගන්න පුළුවන්..
1.ඔබ සතු පැනලය දවල් කාලය තුල හොඳින් ආලෝකය ලැබෙන තැනක සවිකරන්න.වහලය මත නම් වඩා හොඳයි.
2.මාසයකට වරක්වත් පැනලයේ හිරු එලියට නිරාවරණය වන පැත්ත මොප් එකකින් හොඳින් පිරිසිඳු කරන්න.
3.පැනලය ඉතා හොඳින් භූගත කරන්න.
4.අකුණු සැර සහිත විට පැනලයේ සිට solar controller එකට එන වයරය විසන්දි කරන්න.
5.හැම විටම solar controller එකකින් පමණක් බැටරිය ආරෝපණය කරන්න.
6.පැනලයේ සිට controller එකට විදුලිය ගෙන එන වයරයට වැඩි ඇම්පියර් ගණනකින් යුතු වයර් යොදා ගන්න.
7.බැටරිය ඇම්පියර් 30,32,35 නම් අඩුම වශයෙන් වොට් පනහක හෝ හැටක solar පැනලයක් භාවිතා කරන්න.
8.එකම වෝල්ටීයතාවයකින් යුතු පැනල කීපයක් සමාන්තර ගත ලෙස සවිකර වොට් ගණන වැඩි කර ගත හැක.
9.එකම වෝල්ටීයතාවයකින් යුතු බැටරි සමාන්තර ගත ලෙස සවිකර වැඩි ඇම්පියර් ගණනක් ඇති බැටරි පත්දතියක් තනා ගත හැක.
10.නිවසේ ප්ලග් පොයින්ට් හරහා solar විදුලිය නිවසට සවි නොකරන්න.ඒ සඳහා මා කලින් කියා දුන් පරිදි ස්වයංක්‍රීය ගැජට් එක සවිකරන්න.
11.ආලෝකය ලබා ගැනීමට බහුලව පත්දතිය භාවිතා කරන්න.
12.ස්වයංක්‍රීය solar controller එකක් යොදා ගන්න.
13.ඉන්වර්ටරය 500 w පමණ වීම නිවසකට ප්‍රමාණවත්ය.
14.බැටරිය සිසිල් ස්ථානයක තබන්න.
15.බැටරිය මසකට වරක්වත් සර්විස් කර ගන්න.
16.ඔබට ආසන්තම නිවස සමග එකතු වී ඔවුන්ද හවුල් කරගෙන වැඩි බලයකින් යුතු පැනල සවිකර වැඩි ප්‍රයෝජන ලබා ගන්න.
17.බැටරිය ආරෝපණයට යොදා ඇති විට එය විසන්දි නොකරන්න.
18.ඩිජිටල් මල්ටිමිටරයක් යොදා බැටරි වෝල්ටීයතාව නිරීක්ෂණය කරන්න.
19.පැනලය controller එකට සවිකිරීමට පෙර බැටරිය controller එකට සවිකරන්න.
20.ගැලවීමේදී පළමුව load එක ඉවත් කරන්න.දෙවනුව solar පැනල වලින් එන වයර් ගලවන්න.තෙවනුව බැටරි ගලවන්න.
21.ඉන්වර්ටරය solar controller එක හරහා සවි කරන්න.
ඔබට ජය!